---
title: "ലോക ഫുട്ബോളിലെ ഇതിഹാസ താരം ലിയോണൽ മെസ്സി നയിക്കുന്ന അർജന്റീന ഫുട്ബോൾ ടീം നവംബറിൽ കേരളം സന്ദർശിക്കും."
english_title: "The Argentine football team, led by world football legend Lionel Messi, will visit Kerala in November."
publisher: "thaliparambanews.in"
canonical_url: "https://thaliparamba.truevisionnews.com/news/310400/The Argentine football team, led by world football legend Lionel Messi, will visit Kerala in November."
published_at: "2025-08-23T11:26:00+05:30"
category: "News"
language: "ml"
image: "https://cf.zdn.im/img/truevisionnews.com/0/image-uploads/68a95860371aa_Screenshot_20250823_112729_Google.jpg"
keywords: []
---

# ലോക ഫുട്ബോളിലെ ഇതിഹാസ താരം ലിയോണൽ മെസ്സി നയിക്കുന്ന അർജന്റീന ഫുട്ബോൾ ടീം നവംബറിൽ കേരളം സന്ദർശിക്കും.

> **Lead Summary:** ലോക ഫുട്ബോളിലെ ഇതിഹാസ താരം ലിയോണൽ മെസ്സി നയിക്കുന്ന അർജന്റീന ഫുട്ബോൾ ടീം നവംബറിൽ കേരളം സന്ദർശിക്കും.അന്താരാഷ്ട്ര സൗഹൃദ മത്സരം കളിക്കുമെന്ന് അർജന്റീന ഫുട്ബോൾ അസോസിയേഷൻ ഔദ്യോഗികമായി സ്ഥിരീകരിച്ചു.

## Article Content

ലോക ഫുട്ബോളിലെ ഇതിഹാസ താരം ലിയോണൽ മെസ്സി നയിക്കുന്ന അർജന്റീന ഫുട്ബോൾ ടീം നവംബറിൽ കേരളം സന്ദർശിക്കും.അന്താരാഷ്ട്ര സൗഹൃദ മത്സരം കളിക്കുമെന്ന് അർജന്റീന ഫുട്ബോൾ അസോസിയേഷൻ ഔദ്യോഗികമായി സ്ഥിരീകരിച്ചു.

നവംബർ 10നും 18നും ഇടയിലായിരിക്കും മത്സരം. എതിരാളികളെ ഇതുവരെ തീരുമാനിച്ചിട്ടില്ലെന്ന് അറിയിപ്പുണ്ട്. തിരുവനന്തപുരം ഗ്രീൻഫീൽഡ് സ്റ്റേഡിയത്തിലാണ് മത്സരം നടക്കാൻ സാധ്യത.

കായിക വകുപ്പ് മന്ത്രി വി. അബ്ദുറഹ്മാനും സന്ദർശനം സ്ഥിരീകരിച്ചു.2011,ലാണ് അവസാനമായി ഇന്ത്യയിലെത്തിയത്. അന്ന് കൊൽക്കത്ത സാൾട്ട് ലേക്ക് സ്റ്റേഡിയത്തിൽ വെനസ്വേലയ്ക്കെതിരെ അർജന്റീനയുടെ സൗഹൃദ മത്സരത്തിൽ കളിച്ചിരുന്നു. അതുവഴിയാണ് മെസി അർജന്റീനയുടെ നായകനായുള്ള അരങ്ങേറ്റം നടത്തിയത്.

കേരള സന്ദർശനവുമായി ബന്ധപ്പെട്ട് മുമ്പ് അർജന്റീന ഫുട്ബോൾ അസോസിയേഷനും സംസ്ഥാന സർക്കാരിനുമിടയിൽ അഭിപ്രായവ്യത്യാസം ഉണ്ടായിരുന്നതായി റിപ്പോർട്ടുകൾ സൂചിപ്പിക്കുന്നു.

### Related Links & Sources
- [Original Story Source](https://thaliparamba.truevisionnews.com/news/310400/The Argentine football team, led by world football legend Lionel Messi, will visit Kerala in November.)